بييجي وقت لازم تسكت فيه , وعقلك يقولك ( خليها فى القلب تجرح , بدل ما تبان و تفضح ) .. و أوقات تحس إنك لازم تتكلم .. مش قادر تكتم و تخبي .. وإلا هتنفجر .. علشان متكلمش نفسك و الناس تقول إتجننت .. أو تخلق شخصية من خيالك تعيش معاها و تعزلك عن العالم ويقولو عليك براوي ... يبقى الحل إنك تفضفض .. اللى تقدر تتحمله خليه جواك .. و اللى متقدرش عليه .. ويفيض بيه قلبك و عقلك .. وزّعه على اللى حواليك ... هنا مش مجرد كلام و حكايات ... كل رسالة هي فيض من ( فيوض القلب والخاطر ) ....... أنا / صابرين أبوعلي

الخميس، 27 أغسطس، 2009

لــيــه مـنــكـمــلـش كـــدا!!!!!؟؟؟؟؟

وحشتنى بجد وحشتنى،، أول مره اشتاق لك أوى كدا لما تغيب، اشتياق ولهفه وانتظار مؤلم، كل حواسى كنت معلنه حالة التعبئه العامه فى انتظارك ، وكل يوم أقول يا رب يا رب "اللهم بلغنى رمضان" حتى لو يوم واحد بس فيه ، المهم انى ألّحقُه.
الساعات بتزحف بمنتهى البطء ،وأخيراً جت صلاة العشاء وسمعت بابا بيقول "كل سنه وانتم طيبين؛ النهارده هنصلى التراويح" آدى أول بشاره ،بس لسه بردو...لازم ييجى "بُكره" وأصوم علشان أتأكد إننا فى رمضان.
يااااه ،أخيراً بقينا بُكره وجه رمضان والحمد لله، جريت أدور على فانوسى القديم أبو شمعه ولعته وأنا ببتسم لكل ذكريات زمان، ووقفت فى الشباك أبص ع الهلال وعنيه دمعت وأنا بكلمه" اللهم أهله علينا باليمن والإيمان والسلامة والإسلام...ربى وربك الله" فرحانه فرحه غريبه ، فرحة غريق جت له فرصة النجاه على آخر لحظه بعد ما يأس.
مش عارفه ليه اتخيلت "رمضان" فى صورة جدى الله يرحمه، الوقار والهيبه والوش الجميل والدقن البيضا والابتسامه الهاديه والعيون الحلوه اللى بتلمع، حاسه انى عاوزه اترمى فى حضنه واعيط بجد بدموع تغسل كل ذنوب وأخطاء الـ11 شهر اللى فاتو ،عاوزه اتعلق بتوبه وما أخليه يفارقنا أبداً.
مجرد الاحساس اننا عايشين أيامه دا كفايه ،ياااااااه.. الفرض بـ70 فرض والنوافل بتتحسب فروض؟؟!! ياما انت كريم يا رب...يمكن نعرف نعوض حاجه من اللى فاتوا.
الدنيا اتغيرت بين يوم وليله؛ النهارده جميل وبكره أجمل وأجمل؛ إتأكدت من كدا لما شُفت ملامحه على وشوش الناس فى الشوارع وكله بيبتسم لكله حتى لو ما يعرفه وبيقول "كل سنه وانت طيب ،تعود لها بخير" وكمان لّما ودانى سمعت صوت "الهدوء" لأول مره من زمن بعيييد، مفيش أغانى بصوت عالى ،ولا كاسيتات عربيات تهز الطريق كله،حتى طريقة لبس الناس إتغيرت لا مكياج ولا ضيق ولا فاقع ولا متقطع ولا ساقط.. ...صحيح إنك "شهر الصيام والإحترام".
هَلِّت بشاير خير وكرم ربنا فيك يا شهر الإحسان...موائد الإفطار فى معظم الشوارع ،،ربنا يزيد ويبارك ويتقبل من الجميع.
الله..الله..الله...حتى زمايلى فى الشغل هاديين بشكل غير طبيعى وعلامات تسامح جميله على وش كل واحد فيهم.
كل يوم وقت صلاة الظهر كنت بستخبى ورا الشباك أعد المُصليين إللى داخلين المسجد واتحسر، ببقا عاوزه أنزل أشد الناس بالعافيه يدخلوا يلبوا نداء ربنا ، النهارده حد غيرى راح شدهم ..."رمضان" قام بالمهمه بدالى ،كنت بحلم بلوحة "مغلق للصلاه".. النهارده الناس راحت تصلى بس ما علقوها، حاسيين بالأمان،، أصل إللى يؤدى أمانة الله مش هيهون عليه يفرط فى أمانة عبد الله. وكمان الناس بتصلى كل الفروض فى المسجد...أخيراً بقا فعلاً "جامع" حتى فى صلاة الفجر..هات من بركاتك هات يا عم رمضان.
شوفتوا المنظر دا كمان...كل الناس فى ايديهم مصاحف،فى الشغل وفى المحلات وفى كل حته على الأقل فى مصحف مفتوح ، الناس بجد كلها مقاطعه التليفزيون ، قوينا وكملها لنا على خير واتقبل منا يا رب.

يا سلاااام على بيتنا الجميل...كلنا بين راكع وساجد وذاكر لله وأكيد دا حال كل بيوت المسلمين.حتى أخويا الصغير إللى ماما مسمياه "عاصى" من شقاوته لقيت حاله اتقلب؛؛ أقصد إتعدل، أخد تمر وحلويات ونزل يفطر الناس فى الشارع وقت المغرب، وأخويا الكبير قفشه فى المسجد بيصلى الفجر وكمان بيقرا قرآن!! معقول يا شهر القلوب والنفوس الطيبه كل دا فضل فيك من ربنا؟؟!! الحمد لله.
ناس كتيير كل يوم بالليل بشوفهم لابسين أبيض وراكبين اتوبيسات والناس بتسلم عليهم بدموع فرحانه ؛ رايحين "عُمرة" رمضان، معقول كل دى ناس رايحه قاصده ربنا ومع كل التعب ده مش طالبه حاجه غير رضاه!!!، وأجمل ما فيهم ان معظمهم شباب، خلاص..الحج والعمره مابقوش للشيوخ وكبار السن بس ،الناس بقت بتفهم.
بذمتك ما بتيجى عليك لحظات كتيير تحب تسجد شكر لله حتى لو فى الشارع ووسط الطريق من كتر ما انت شايف من خير حصل فى الناس وبالناس؟؟!!
أنــا بـــحـــبــك أوى يـــــا رب



نغمشه غريبه جوا قلبى كأنها شرارات كهربا.....هى دى بقا السعاده إللى بسمع عنها؟؟! دا احساسها حلو وطعمها جميل أوى، وبيزيد كل ما بشوف الحياء والإستحياء على وشوش الناس وف تصرفاتهم ، الناس اتعلمت إزاى تتأدب مع الله ، يا رب دايماً.
هو إيه إللى عمل فينا كدا وغيرنا بالشكل ده؟؟ لأ..إحنا متغيرناش، إحنا كدا أساساً بس بنستنى الفرصه ، لو حد إلتزم فى غير رمضان ممكن الناس تتريق عليه ويقولوا "استشيخ" وكأنه عيب ، لكن فى رمضان بنكون "كلنا" مع بعض ، على قلب واحد ونفس واحده ، كله بيسعى للهدوء والسكينه والسماحه وكأنهم "مطلب جماعى" ،بيتوحدوا عليه علشان كدا بيحققوه.
طب ما دام احنا عاوزين وحابين الحياه بالشكل ده...منعرفش نكون كدا على طول؟، ليه منكملش بالشكل ده حتى بعد رمضان؟ هو إحنا بنعبد الشهر ولا رب الشهر؟؟!!! ليه منكملش أيامنا وشهورنا على نفس الحاله؟ أخيراً فهمت دعوة الشيوخ لما بيقولوا "اللهم لا تجعلنا من عُبَّاد رمضان" ،هو احنا فعلاً كدا؟ يعنى بنعبد الشهر مش رب الشهر؟ أصل الله هو الله الواحد وهو رب كل الشهور ليه التفريق دا بقا؟؟؟؟؟؟؟؟؟

ليه مينفعش تقول "اللهم انى صائم" فى غير ايام رمضان؟ حتى لو مش صايم قولها وفكر نفسك بيها ، قولها لما تيجى تغلط او تتخانق او تشوف حاجه مش كويسه ، قولها لما تكون هتتكلم عن حد او تستخدم كلمه بذيئه ، قولها لما تيجى تكسل عن عمل خير أو آداء واجب، قولها لما تحس ان ضميرك عاوز ينام او يستريح شوى . كلنا بنقول ان الصيام مش امتناع عن اكل وشرب بس، دا امتناع عن كل حاجه، ربنا عودك تمنع نفسك عن الحلال علشان ترضيه الشهر ده فمش هتخسر حاجه لما تمنع نفسك عن الغلط والحرام فى بقية الشهور.
شوفتوا السيده مريم لما قالت لقومها "إنى نذرت للرحمن صوماً فلن أكلم اليومَ إنسياً".......يللا احنا كمان نعمل نذر بالصيام طول العمر عن كل ما يغضب ربنا ويزعله مننا، نحاول نكمل رمضان على طول.
خايفه لما يخلص ونقعد فى البيت فى اجازة العيد آجى أخرج للشارع بعد كدا معرفش...هخاف من وشوش الناس والماسكات اللى هتقع بعد رمضان.
قولوا معايا "ياااااااااااااااا رب رمضان ما يخلص أبداً"
وبالله عليكم ادعولى ربنا يهدينى يااااا رب ويكتب لى العُمره السنه دى يااا رب

"وما أُبرئُ نفسى إنَّ النفسَ لأمارةٌ بالسوء"
كل سنه وانت بكل خير وصحه وعافيه وربنا راضى عنكم ان شاء الله

الأربعاء، 26 أغسطس، 2009

تِهَنَى.....جاك ما تِمَنى

السلام عليكم ورحمة الله وبركاته
كل يوم وانتم طيبين ويا رب رمضان خير ينعاد على الجميع باليُمن والبركه والرحمه وما ينتهى إلا وكل همومنا منتهيه وكل كرباتنا ربنا مفرجها بلطفه ورحمته قولوا آمــــــــــيــن يــا رب الــعــالــمــين
كانت نفسى مسدوده ومليش نفس اكتب ولا اتكلم فى أى حاجه، مستحيه افتح اى موضوع أو يكون لى نِفس أهرج وفى اكتر من اخ لينا فى المجموعه فى محنه او عنده مشكله وربنا الأعلم بيهم عاملين ايه ، بس إللى بيخفف من همنا شويه ان ربنا سبحانه وتعالى هو إللى خلقه وهو إللى هيمحيه بإذن الله ؛هو ألطف بعباده من عباده على بعض
ة" ألا يعلمُ مَن خَلقَ وهو اللطيف الخبير" ؟ بلى يا رب.. أنت العليم الخبير اللطيف ،وما نقول غير الحمد لله والشكر لله، اللهم لك الحمد كله ولك الشكر كله وإليك يرجع الأمر كله
*********
الكلام رايح منى ومش عارفه اجمع ولا اركز، عاوزه اتكلم فى المؤامره الرمضانيه إللى بتتعمل علينا كل سنه عن عمد وتخطيط ، اكيد فهمتو طبعاً انى اقصد قنوات التليفزيون سواء الأرضيه أو الفضائيه
وكأن شياطين الجن بتسلم العهد لشياطين الإنس، الأولانيين يتسلسلو والتانيين ينطلقوا علينا وينفذو مهماتهم بمنتهى الاقتدار
مسلسلات وبرامج ملهاش حصر ولا عد، والكل بيتنافس ويقدم كل اللى عنده ويتباروا فى مين يكون الاكتر ومين اللى مش هتقدر تحول عنه المحطه ولا تغمض عينك عليه
منتهى الاستفزار إللى بيبلغ ذروته لما تسمع حد منهم فى برنامج وياعينى يقول أد إيه تعبوا وعانوا وبذلو كل جهدهم علشان يلحقوا رمضان وانهم "الحمد لله بتوفيق ربنا" انجزوا العمل فى الوقت المحدد، بالله عليكم دول مش مكسوفين ولا مستحيين من اسم ربنا اللى بيربطوه بالقرف بتاعهم ده؟؟
!!

البروموهات عن البرامج والمسلسلات قبل رمضان كانت مقززه وزياده، كلها عُرى وتهريج وناس معندهاش أدب أو تمثيليات زفت وبلطجه وصراعات وصوت عالى وشرشحه وناس بتستهبل لابسه ومش لابسه ومتعرفش مين جوز مين ولا ماشى مع مين؟؟!!! وستات خناشير بيستهبلو وعاملين لسه "نوغه" وبيصوروا بلبس أحفادهم الصغيرين، تخيلوا ان فى مايوهات ومشاهد بلبس النوم وسراير؟؟ الناس دى اتعبطت ولا ايه؟؟؟؟؟؟؟؟ ولا جايز علشان انا مش متابعه بقالى زمان؟؟
انا عارفه ان الحاجات دى بردو بنشوفها فى غير رمضان وفى ناس "مدمناها" وحافظه مواعيدها صم، بس على الأقل الواحد يستحى شويه فى الأيام المفترجه دى إللى ربنا يعلم ان كانت تنعاد علينا تانى ولا لأ، يبقا نعيشها كأنها آخر مره...ربنا يبارك فى اعماركم بس انا بقول مجازاً يعنى
كل سنه بقول لكم نفس الكلام، متخليش "نفسك و أهواءك" يضحكوا عليك، اى غلطه هتكون من نفسك لأن مفيش شياطين الأيام دى، اجمد شويه وتعالى على نفسك و "اشكمها" الشهر ده ،لا تقول البرنامج دا بس ولا هشوف مسلسل واحد ولا حتى الكوميدى منها، لا نهار ولا ليل
الأيام بتعدى جرى، كلها كام يوم والشهر يخلص، وإللى مش هتشوفه النهارده هيتعاد 200 مره على كل القنوات بعد رمضان لحد ما تزهق منه، ويمكن ربنا يكون عفا عنك وكرمك وقرفت منهم وبطلت تشوفها خالص ولا تعنى ليك أى شئ
.
اتعودنا على الموضوع ده بقالنا كام سنه والحمدلله، ييجى رمضان حتى منعرفش الريموت فين؟ يا اقرأ او المجد او الرحمة يا إما مقفول خالص والحمد لله، والله العظيم تخرجو بعد رمضان فى منتهى الانتعاش، زى المتعالج من الإدمان وصحته رجعت له، لا عارف برامج ولا شاغل نفسك بمسلسلات وبالتالى مش هتثير فيك اى اهميه بعد كدا ولا هتدور عليها او تتابعها، خليهالهم بقا يشبعوا بيها
الناس من شدة اقبالها على التليفزيون فى رمضان بحجة "يسلو صيامهم" المنتجين بقوا بيستهبلوا وزودوها أوى أوى، السنه إللى فاتت حاجه واربعين مسلسل والسنه دى تجاوزوا الستين وبيعلنوها بكل فخر وكأنهم حرروا القدس، تخيلوا ان فى قناه اعلنت "مفاجأة رمضان انها تعرض مسلسل جديد كل ساعه؟؟؟!! يعنى مفيش إعادات
مش هقول كلام كلنا عارفينه وزهقنا منه ولا هقول حرام الفلوس دى كلها ومن مصلحة مين تتعرض على قنوات مفتوحه وغير مشفره يعنى مش بيكسبو مننا حاجه ؛ عاملينها كدا لوجه.... اكيد لوجه الشيطان ولمصالح تانيه محدش يعرفها

وعارفين إللى يغيظك اكتر بقا هو شعار كل قناه فى رمضان، من أول " رمضان يجمعنا ، أو نوَّر ليالينا أو جاك ما تمنى..تهنى" خيبه خيبه يعنى ، رمضان يجمعنا عالرقص والمسخره والعُرى والبلطجه؟؟؟ ولا ينور ليالينا بأنوار الخيم الرمضانيه وديسكوهات وحفلات المسلسلات؟؟ ومعقول تكون اقصى تمنياتك فى رمضان انك تقضى الليل تتابع ممثلين ومطربين وناس معندهاش أدب؟؟ فين الهنا فى دا كله؟؟؟
والله العظيم عيب
بالله عليكم، علشان خاطر ربنا، اجمدوا على نفسكم بس الشهر ده وبعد كدا إللى فيه الخير يقدمه ربنا، استح واتكسف من الله وملائكته يشوفوك الأيام دى على معصيه واشياء استهنا بيها وبقت بالنسبه لنا "عادى" ولا تهز فينا شعره مع انها من الكبائر عند الله ورسوله
بلاش حكاية "سلى صيامك" دى، استفيد بيه احسن، تعبت من القراءه فى المصحف الشريف وزهقت من القنوات الدينيه ،خلاص..استريح شويه واسترخ مع نفسك حتى لو ما شغلتش لسانك بذكر الله "نام"، اه والله بجد، نام ...مش بيقولو "نوم الظالم عباده" وانتَ بصحيانك وسهرك ممكن "تظلم نفسك" يبقا احسن تنام وتخلى نيتك مع ربنا انك بتنام علشان ما تاخدش ذنوب وصدقنى والله هتاخد ثواب على نومك ده لأنك عصمت بيه نفسك.
لو مش عاوز او مش عارف تنام إقرا- فاكر القراءه؟؟- وليه لأ، فاضى ومفيش تليفزيون ومش عاوز تنام ولا تخرج علشان ما تقع فى اى ذنب يبقا استفيد من وقتك واقرا، بس المهم كتب مفيده
هديكم روابط لكام كتاب ممكن يعجبوكم وفى مواضيع متنوعه عالميه وعربيه يا ريت تسهيكم شويه وتشغلكم عن التليفزيون وسخافاته، مع انى مستخسره وقت غالى من ايام رمضان تروح فى حاجه غير العباده وذكر الله سبحانه وتعالى
على فكره، الموقع اللى فيه الكتب دى " المصطفى" فيه مجموعات تانيه كتير فى كل حاجه لو حبيتوا تدوروا على اى كتب مهتمين بمواضيعها
بالنسبه لفتح الكتاب وتحميله، لما تضغط على الرابط هيطلعلك نافذه فيها ارقام ويطلب منك تضغط على الرقم الموجود جنب كلمة "كليك"
click وهتلاقيه متكرر بين مجموعة ارقام تانيه، معلهش على التوضيحه دى بس فى حد اشتكى قبل كده انه معرفش يفتح رابط الروايه اللى بعتها من قبل

بعض مؤلفات عباس محمود العقاد
الله
ابليس
ابراهيم ابو الانبياء
حياة المسيح فى التاريخ و كشوف العصر الحديث
عبقريه محمد صلى الله عليه وسلم
عبقريه الصديق
عبقريه عمر
ذو النورين عثمان بن عفان
عبقريه الامام - علي ابن ابي طالب
عبقريه خالد بن الوليد
عمرو بن العاص
فاطمة الزهراء والفاطميون
الصديقه بنت الصديق
الحسين - ابو الشهداء
معاويه ابن ابي سفيان
مطلع النور او طوالع البعثة المحمدية
بلال بن رباح - داعي السماء
أنا
الشيخ الرئيس ابن سيناء
الصهيونيه العالميه
الإنسان في القرآن
الإسلام في القرن العشرين
حياة قلم
حقيقة الإسلام وأباطيل خصومه
هذه الشجرة
رجعة أبو العلاء
الكواكبي
المرأة فى القرآن
سعد زغلول زعيم الثوره
عبقري الاصلاح محمد عبده
روح عظيم - المهاتما غاندي
التفكير فريضه اسلاميه
أثر العرب في الحضارة الأوروبيه
جحا - الضاحك المضحك
وللعقاد روايه واحده :
ساره

بعض مؤلفات الاستاذ/ محمد حسنين هيكل
لمصر لا لعبد الناصر
مدافع ايه الله-قصه ايران والثوره
المفاوضات السريه بين العرب واسرائيل ( 1 ) الاسطوره والامبراطوريه والدوله اليهوديه
المفاوضات السريه بين العرب واسرائيل ( 2 ) عواصف الحرب وعواصف السلام
الزلزال السوفيتي
العروش و الجيوش
خريف الغضب
ازمه العرب ومستقبلهم
سلسله حرب الثلاثين سنه :
ملفات السويس
سنوات الغليان
الأنفجار - حرب 1967
أكتوبر 73 . السلاح والسياسة

بعض مؤلفات الاستاذ/ مالك بن نبى
الظاهرة القرآنية
القضايا الكبرى
المسلم في عالم الإقتصاد
بين الرشاد والتيه
تأملات
تبسيط مشكلة الأفكار في العالم الإسلامي
شروط النهضة
فكرة كومونولث إسلامي
في مهب المعركة ... إرهاصات الثورة
مذكرات شاهد للقرن
مشكلة الأفكار في العالم الإسلامي
مشكلة الثقافة
وجهة العالم الإسلامي
إنتاج المستشرقين و أثره في الفكر الإسلامي الحديث
الفكرة الأفريقية الآسيوية
من الأدب العالمى
ويليام شكسبير
حاولت ألاقى مسرحية الملك لير لكن ما عرفت، ودا من افضل ما يمكن ان تراه او تشاهده، فعلاً تحفه رائعه
تاجر البندقيه
يوليوس قيصر
كما تهوي
هنري السادس
مكبث
بيركليس امير صور
حلم ليله في منتصف الصيف
ضجه فارغه
عطيل
انطونيوس وكليو بطره
هنري الخامس
ماساه الملك ريتشارد الثاني
الملك جون
روميو و جولييت
هملت

من اعمال فيودور ميخائيلوفيتش دوستويفسكي
اعماله الكامله للتحميل
*دوستويفسكي..المجلد الاول
http://www.4shared. com/file/ 36072750. ..rified= 87e0a05
دوستويفسكي..المجلد الثانى
http://www.4shared. com/file/ 35991779. ..rified= 87e0a05
دوستويفسكي..المجلد الثالث
http://www.4shared. com/file/ 35986118. ..rified= 87e0a05
دوستويفسكي..المجلد الرابع
http://www.4shared. com/file/ 36077156. ..rified= 87e0a05
دوستويفسكي..المجلد الخامسhttp://www.4shared. com/file/ 35999226. ..rified= 87e0a05دوستويفسكي..المجلد السادسhttp://www.4shared. com/file/ 36084252. ..rified= 87e0a05دوستويفسكي..المجلد السابعhttp://www.4shared. com/file/ 36080016. ..rified= 87e0a05دوستويفسكي..المجلد الثامنhttp://www.4shared. com/file/ 35989511. ..rified= 87e0a05دوستويفسكي..المجلد التاسعhttp://www.4shared. com/file/ 36074229. ..rified= 87e0a05دوستويفسكي..المجلد الحادى عشرhttp://www.4shared. com/file/ 35993954. ..rified= 87e0a05دوستويفسكي..المجلد الثالث عشرhttp://www.4shared. com/file/ 35983733. ..rified= 87e0a05دوستويفسكي..المجلد الرابع عشرhttp://www.4shared. com/file/ 36075381. ..rified= 87e0a05دوستويفسكي..المجلد الخامس عشرhttp://www.4shared. com/file/ 35996402. ..rified= 87e0a05دوستويفسكي..المجلد السادس عشرhttp://www.4shared. com/file/ 36082264. ..rified= 87e0a05دوستويفسكي..المجلد السابع عشرhttp://www.4shared. com/file/ 36078734. ..rified= 87e0a05دوستويفسكي..المجلد لثامن عشرhttp://www.4shared. com/file/ 35987816. ..rified= 87e0a05

ومن أروع المسرحيات إللى ممكن تقراها وفيها اسقاطات هااايله هى مسرحية
زيارة السيده العجوز- فريدريش دورينمات
http://www.mediafire.com/?m5ggd3mgdtw

ومن روائع الكاتب الاسلامى الاستاذ / خالد محمد خالد
يمكنك الاستمتاع بالآتى
أبناء الرسول فى كربلاء
أزمة الحرية فى عالمنا المعاصر
أفكار فى القمة
الدولة فى الاسلام
الديمقراطية أبدا
الدين للشعب
الوصايا العشر
إلى كلمة سواء
انسانيات
انه الانسان
خلفاء الرسول
رجال حول الرسول
عشرة أيام فى حياة الرسول
فى البدء كان الكلمة
فى رحاب على
قصتى مع الحياة
كما تحدث الرسول
كما تحدث القرآن
لقاء مع الرسول
لو شهدت حوارهم
مائة سؤال عن الاسلام
مع الضمير الانسانى
معا على الطريق
من هنا نبدأ
نحن البشر
هذا الرسول
والموعد الله

أتمنى تستفيدو وتستمتعوا بوقتكم إلى أقصى حد مع كتاب الله وسنة رسول الله صل الله عليه وسلم وتأجلوا قراءة الكتب دى لما بعد رمضان أو تكون على هامش اليوم
ذِكر الله أولى بأوقاتكم

كل سنه وانتم بكل خير وصحه يا رب
وربنا يديكم من كل الخير ويمنع عنكم كل شر علمناه ام لم نعلمه


Sabrina