بييجي وقت لازم تسكت فيه , وعقلك يقولك ( خليها فى القلب تجرح , بدل ما تبان و تفضح ) .. و أوقات تحس إنك لازم تتكلم .. مش قادر تكتم و تخبي .. وإلا هتنفجر .. علشان متكلمش نفسك و الناس تقول إتجننت .. أو تخلق شخصية من خيالك تعيش معاها و تعزلك عن العالم ويقولو عليك براوي ... يبقى الحل إنك تفضفض .. اللى تقدر تتحمله خليه جواك .. و اللى متقدرش عليه .. ويفيض بيه قلبك و عقلك .. وزّعه على اللى حواليك ... هنا مش مجرد كلام و حكايات ... كل رسالة هي فيض من ( فيوض القلب والخاطر ) ....... أنا / صابرين أبوعلي

الجمعة، 30 يناير، 2009

عادوا ولـــــــم يعودوا




مجرد تذكره "لمَن كان له قلب" أو بعض من ضمير


عندما نفقد عزيز لدينا تهون علينا الحياه


وعندما نفقد الكثيرين -------تنعدم قيمة الحياه
ربما لأننا ضعفاء ولا نعرف معنى المقاومة أو الصمود ولا أن نصنع من الموت
ميلاداً جديداً
نهديه لكل عزيز غائب الجسد حاضر الروح
صابرين أبو على


الأحد، 25 يناير، 2009

البقاء لله ونسألكم الدعاء


عزاء ....ليس مجرد "واجب" وكلمات

ولكنه شعور صادق ومشاركه وجدانيه حقيقيه لأسرة الأستاذ / جميل شوكت لوفاة والدهم
الأستاذ/ شوكت جميل عزيز
نسأل الله العلى القدير ان يؤجرهم فى مصيبتهم خيراً وأن يثبتهم ويفرغ عليهم الصبر والسلوان واحتساب الأجر على الله وأن يغفر لفقيدهم كل ذنب وان يجزيه عن كل احسان احساناً ويبدله بكل اساءه احساناً ومعروفاً
وان يتغمده برحمته ويرزقه الجنه ان شاء الله هو وكل موتى المسلمين

برجاء الدعاء للفقيدبالرحمه والمغفره ولأسرتهبالصبر والسلوان والثبات ولكل مسلم محزون وجزاكم الله كل خير ولا أراكم مكروهاً ابداً
"اللهم اقسم لنا من اليقين ما تهون به علينا مصائب الدنيا والآخره"
اللهم انا لا نسألك رد القضاء ولكن نسألك اللطف فيه والثبات على الإيمان
آمين آمين آمين يا رب العالمين
صابرين أبو على


الجمعة، 23 يناير، 2009

خطة حرب



خطة حرب


خساره ان رسالينا مش بتوصل ميديا صوت وصوره، كانت وصفت الاحساس اللى انا فيه دلوأت وانا بجبر نفسى وصوابعى علشان تمسك الكى بورد وترص الكلمات. بس ما لقيت على اللوحه الزرار اللى يبعت زفره حاره او تنهيده من القلب ورغبتى الشديده فى انى ما ارفع عيونى من على الأرض علشان ما اواجه اى حد
مكنتش عاوزه اكتب علشان دمى بقا تقيل موت، اتقل من الأول بكتير وطالبه معايا نكد بزياده، حتى مش عارفه اكتب لكم ايه بس هكتب وخلاص من باب الفضفضه وعلشان عارفه ان اللى بيزهق بيقفل الميل او يلغى الرساله ويريح دماغه؛ يعنى كأنى بكلم نفسى

من اكتر من اسبوع كنت بتفرج على التليفزيون- قنوات الاخبار كالعاده- وكأنه نوع من الماسوشيه إللى بيسموها (حب تعذيب الذات) قلت أغير من محطاتنا العربيه واشوف برا بيبصوا للى حاصل فى غزه إزاى، جبت على السى ان ان

CNN

ولقيت لقاء مع ميجور من جيش الصهاينه "واحده ست" وخبير عسكرى أمريكى والناس عايشه الدور على الآخر ومش مكسوفين من نفسهم ولا حاجه، ورسم وتخطيط حربى وبمنتهى الفخر بيعلنوا انهم " رابع اكبر قوه بريه وخامس اكبر قوه عسكريه فى العالم مش بس فى المنطقه وان قوة حماس لا تعادل 1% مما لديها) دا غير ان أمريكا بدأت فى شحن 375 كونتينر من مينا استاكوس فى اليونان كلها اسلحه وزخيره للصهاينه ، فى الوقت إللى احنا مش عارفين نبعت لهم "نبله" ولا حتى بندقية رش ناهيك عن الادويه والاكل والميه!!!
حسيت ان فى لوح زجاج انشرخ جوايا وبدأ يتفتت وشظاياه تنتشر بين ضلوعى وفى ضهرى ألام بشعه ومفيش ولا ذرة اكسجين راضيه انى اتنفسها وكأنها عرفت انى من جنس عربى واستخسرت نفسها فىَّ، أزمه أسلمتنى ليد الطبيب، متعرفش بقا زبحه صدريه ولا ازمه قلبيه ولا حتى انفجار فى المراره المهم انى "اتشتمت" والدكتور قال لى "موتى، وهو موتك هيعمل لهم ايه يعنى؟؟!! دا حتى القاده والساسه ما حلوها يبقا انتِ هتحليها؟؟".
بعد ما اخدت المهدئات والمسكنات فكرت افتح التليفزيون تانى أشوف آخر التدهورات ويظهر انى كنت عامله دماغ عاليه أوى من إللى اخدته وخصوصاً انى حديثة عهد بالأدويه واقل حاجه بتظبطنى بسرعه، ولقيت خيالى بيسرح وبحاول احط نفسى مكان رئيس مصر –بعد الشر- مع وجود بعض الدم الحار والاحساس وتجنيب المصالح والأهواء على حبة ضمير واحساس والكثير من "الاستبياع" وقلت يا ترى ممكن اعمل ايه؟؟
بسيطه،،هجمع الناس حوالى على كلمه واحده وهدف محدد وقضيه يعيشوا ليها غير لقمة العيش ،وارجع كل العلاقات بينى وبين جيرانى زى زمان واكتر، وقت ما كان فى حلم بالوحده العربيه والاجتماع الدورى" لقادة اركان حرب الجيوش العربيه" –اسم يخض مش كده؟- وكلمه مسموعه ومؤثره واخت كبيره وام حضنها كبير عمرها ما ترد اللى يلجأ ليها. حتى على الاقل احس انى مسنوده ومش لوحدى حتى لو بالكلام
قلت اعمل جوله مكوكيه على دول الوطن العربى وانسق معاهم "خطة الحرب"، ونظبط كدا نشوف مين هيقاطع ومين هيجهز جيشه ويضرب معانا ومين هيوقف تصدير بترول ومين هيبعت الفلوس ويجهز الجيبوش ومين هينهى وجود قوات اجنبيه فى ارضه و الله المستعان
خدوا بالكم انى بتكلم على "مستوى الرؤساء مش الشعوب ولا الافراد، يعنى محدش يزعل
نبدأ بسوريا...ويللا نرجع ايام زمان،صحيح الريس هناك مكنش مدينى وش لما قلت له عاوزه ازوره بس قلت أقايس وزى ما تيجى وانا فى الطياره فكرت شوى، اذا كان فى ضغائن بينا يبقا هيسمعنى؟ دا "ايران" واكله الجو خالص وعلشان بلده متبقاش مع امريكا بقت مع ضدها والدفه اتحولت على الشيعه اللى عاوزيين يحشروا نفسهم فى كل حاجه ومش بعيد اقوله على الخطه من هنا يروح يقولهالهم ويعترضوا او يقولوا فيها لأخفيها ويبدأوا يستعرضوا وينتهى الموضوع قبل ما يبدأ، خلاص..نخلى سوريا للآخر واشوف حته تانيه
نقول "لبنان"....هروح أكلم مين؟؟؟ الحكومه الرسميه اللى فضل برلمانها شهور وشهور مش عارف يحسم امره فى اختيار رئيس للبلد وكل اجتماع تيجى لهم أفعى تزروهم او تكلمهم فى التليفون وتأجل القرار ولا اتكلم مع الجنوب و"حزب الله" وابقى بعترف بيهم وبزيد شعبيتهم واعجاب الناس بمواقفهم رغم انهم على الباطل، خلينا نتكلم بصراحه؛ مش الشيعه دول اللى بيشككوا فى ان الرساله ما كانت لسيدنا محمد عليه الصلاة والسلام وانها كانت لسيدنا على بن ابى طالب كرم الله وجهه وكمان بيعيبوا فى بعض آل البيت ولو تقرا كتبهم تلاقى عجب العجاب، بيخلفوا الدين فى بعض اصوله يبقا دا إسلام؟؟؟؟!!!! يبقا دول اتفق معاهم وبعد كدا الناس تقول ما دام انتصروا يبقوا على حق ويتحولوا كلهم الى "شيعه"؟؟ الصراحه اتفزعت وانا بتخيل مراسم يوم عاشوراء فى كل الوطن العربى وإللى بيعملوه فيه ،لا لا لا، بلاش لبنان دلوأت، نشوف حته تانيه نبدأ بيها
الأردن، حتى لها اكبر حدود مع فلسطين وهتسهل علينا امور كتير، بس الجماعه هناك مكبرين دماغهم ومريحين نفسهم داخلياً وخارجياً معقول هيجيبوا القلق بإيديهم لنفسهم؟؟ دا غير ان الكبير بتاعهم "مطبع" وآخر تمام والاحصائيات بتقول ان اكبر دوله عربيه بتستورد من اسرائيل هى الأردن، والكبير بتاعهم عندى صوره ليه وهو بيسلم ويبوس المقرفه بتاعة الخارجيه الأمريكيه، هيخسرهم بالسهوله دى؟؟ ييييه...بلاش الاردن دلوأت
أروح فين يا ربى بس، ام كلثوم بتوصف حالى "أروح لمين واقول يا مين؟"
العراق متنفعش علشان بقت دِمِل فى جسم الوطن العربى للميكروبات الامريكيه وترسانتها الحربيه دا غير انها ممزقه بين اكراد وشيعه وسنه ورافضه، عاوزيين إللى يساعدهم يعنى....حسبنا الله ونعم الوكيل
والكويت كلها قواعد عسكريه امريكيه، وبم ان اسرائيل هى "قفا" امريكا فى الوطن العربى وامريكا مش هترضى تنضرب على قفاها ولا تعيش من غير قفا ؛يعنى (القاعده مش هتقبل ان قفاها ينضرب) فمش بعيد قبل ما افتح بؤى يكونوا ضربوا مصر من هناك ، اذا كان الامريكان بعد ما وحلونا فى حرب الكويت ووعدوا ان الطيران هيغطى القوات البريه بتاعتنا سابونا ننطحن الأول واتدخلوا بعدها بزمن لما جنودنا قربوا يخلصوا، وحفظاً لجميل مصر من الحكومه الكويتيه سلموا كل مشروعات إعادة اعمار الكويت لشركات امريكيه واوروبيه، وإحنا الله يعوض علينا ،وكفايه على المصريين يشتغلوا عمال مبانى او بوابين للمبانى اللى بناها الاجانب
ايه بقا؟؟ هرجع بخفى حنين يعنى وحتى يمكن من غير الخفين كمان...حافيه
هبص بصه كدا على قطر يمكن الفرج ييجى من عندها، بس افتكرت ان بردوا فيها قواعد عسكريه امريكيه ،وقاعة "السيليه" إللى اتسجن فيها صدام هناك شاهد على الأحداث، وكمان مش هيرضوا يخسروا علاقاتهم مع الكيان الصهيونى ..دى هرياه دلع، تخيل امريكا تكون حاسه بإيه وفى حد طول النهار يلعب فى قفاها ويحسس عليه وعيشه آخر انشكاح، يا عم سيبك، ايكش نولع.
البحرين عامله زى دول الحياد هو و"عُمان" ملهمش فى حاجه، ممكن يتبرعوا بفلوس ومساعدات عينيه، بس معرفش ان كان عندهم جيوش ولا لأ، تقريباً احنا الدوله العربيه الوحيده اللى عندنا التجنيد اجبارى، اصلنا كتير وعاوزيين يخلصوا علينا أول بأول وكمان يعطلوا الشباب شوى عن انهم يطالبوا بالوظيفه او الشقه والزواج.
المهم، معدش باقى غير اليمن والسعوديه والامارات فى الجنب ده، ربنا يسهل؛ بس الأولى الله يعينها، اول مره اشوف ناس مسموح لهم بالمخدرات بأمر الحكومه، يومين فى الاسبوع "يخزنوا" – دا الرسمى وبقيت الايام براحتك- عارفين طبعاً التخزين وكلنا سمعنا عن "القات" والحياه هناك اعتقد انها دايماً بمبى ، مساء الخيييييييييييييييييييييييييييييييييير
السعوديه بردوا فيها قواعد امريكيه ومصالح واقتصاد وبترول عاوز إللى يشتريه حتى لو بتراب الفلوس، مش مهم؛ هيبقوا يتبرعولنا لما نموت ويبنوا البيوت والمدارس اللى اتهدت ومش هتلاقى حد يعيش فيها،المهم يرضوا ضميرهم حتى لو بمليار دولار، اما بقا الأموره الحلوه "الإمارات" فربنا يزيدها من نعيمه وتبقشش على الغلابه الناميين وتشبرقنا بتبرعاتها للتعليم والصحه والأكل وتشوف مصالحها بقا، احنا هننهب،هيشغلوا بالهم بناس فى آخر الدنيا ليه؟؟ خليها فى ابراجها ومنتجعاتها وسعيها للعالميه وتباهيها انها عاصمه اوروبيه فى قلب العروبه ،وسمعنى سلام محمد هنيدى فى الجامعه الامريكيه....أمريكوه أوربوه
جايز الجزء الافريقانى يكون فيه الشفا عن الآسيوى، هناخدهم من تحت،،،،،،،،،،،
"السودان"...جيتك يا عبد المعين تعينى لقيتك عاوز تتعان، شمال وجنوب ودارفور .الصراحه اتكسفت من نفسى ،هؤول لهم ايه بس؟؟! خللى كل واحد بهمه وبلاش اقلب عليهم المواجع
ليبيا....كل ما افتكر موقفهم مع الممرضات البلغاريات اللى سمموا الاطفال الرضع بفيروس الايدز وانهم فرطوا فى حقهم بسهوله كدا مقابل شوية فلوس ووعود فارغه الصراحه دمى بيفور وبيتهيألى انهم ممكن يبيعونا احنا كمان، يعنى اغلى عليهم من ولادهم مثلاً؟؟!!!
تونس والجزائر والمغرب وموريتانيا .........مبعرفش اتكلم فرنساوى كويس، يعنى لغة " الحوار" والتواصل بيننا مفقوده تقريباً
تعبت من اللف بصراحه وعاوزه ارتاح ،وحاسه ان اثار المسكنات بدأت تروح
ألحق ارجع مصر وأحاول أرتب "البيت من الداخل" زى ما بيقولوا
اجتماع عاجل مع كل الوزارات علشان نجهز نفسنا ونشوف محتاجين ايه والخطه هتمشى إزاى
الصراحه مكدبوش خبر واتجمعوا، حتى اللى فى مارينا او دافوس ولا وراه شغل فى واحده من شركاته بردو جه، وياريتهم ما إجو ولا قابلتهم، كركبوا الدنيا فوق راسى
حرب ايييييييييييييييه؟؟ حرب يعنى تعبئه عامه واستدعاء للمتأجلين وشباب "شغال" حاله هيقف والناس هتثور علينا وتموين ومخازن تتملى ، دا قمحنا مش بيكفينا واحنا كده اومال لو حاربنا بقا هنسف التراب، غير بقا مصالحنا والبيزنيس وشكلنا هيبقا وحش مع بتوع السلام والدفاع المشترك و"انت صديق صديقى وعدو عدوى" واالى المفروض بناءً عليها نقف مع الصهاينه مش فلسطين
وكمان الادويه اللى بنستوردها ممكن تتأخر علينا، دا غير ان وزارة الحربيه بقت وزارة "دفاع وانتاج حربى" وكل علاقتها بالجيش ان"المصانع" بتنتج حلل وطاسات "عبور سينا" وبقيت الجيش متوزع على فنادق وقاعات افراح القوات المسلحه واحتفاليتها، والصفوه فيهم طلع لهم كرش واللى فلحوا وراحوا تدريب فى امريكا صادوهم فى الجو زى العصافير ودمهم راح هدر،دا غير العساكر اللى استخدموهم "فرانين" فى افران الحكومه علشان تخبز عيش وتوزع عالناس، اما الباقى فهنلاقيهم "امن مركزى" متوزعين فى كل شوارع وميادين الجمهوريه علشان الأمن يستتب ،تحولوا من جنود فى جيش الوطن علشان تحميه لحراس بتخدم النظام ورجالته
حتى فكرة اننا نعمل معسرات تدريب للمدنيين زى ايام 56 وغيرها بردوا اتلغت ، هيروحوا فلسطين ازاى؟؟ مينفعش نبعتهم علشان شكلنا هيبقا وحش اوى وهيتقال علينا ناس بتوع حرب ومش بنحب السلام
دا غير ان محدش فاضى يروح يتدرب اصلاً
خطه عبيطه وافكار فاشله واحلام ساذجه
وعلى قول الست "عاوزنا نرجع زى زمان..قول للزمان ارجع يا زمان" او على الاقل كل الدول العربيه يكون فيها قاده زى بتوع زمان

لازم كلنا نبدأ مع بعض

وكلمه واحده

وموقف واحد

زى ملك السعوديه زمان (الملك فيصل رحمه الله) لما وقف تصدير البترول لأمريكا، قالها بعلو الصوت " عيشنا واجدادنا على اللبن والتمر وسنعود اليهما" ولما كيسنجر راح يساومه قال" انا رجل طاعن فى السن وامنيتى ان اصلى ركعتين فى المسجد الاقصى" مش يروح يعقد سلام مزيف ويبنى قواعد امريكيه على ارضه
الله يرحم الرجاله

حد قالهالى وبترن فى عقلى " لو احنا نار يبقا الروؤساء والملوك بتوعنا علينا مطر" او حتى سيول علشان نتؤوملناش اؤومه
اللى بيغضبوا زى العيال ودا مش راضى يحضر القمه اللى فين علشان مانا عارفه مين هيحضر يبقا دول فيهم رجا ولا امل بذمتكم؟؟؟!!
" ولا تحسبن الله غافلاً عما يعمل الظالمون إنما يؤخرهم ليوم تشخص فيه الأبصار (42) مهطعين مقنعى رءوسهم لا يرتد إليهم طرفهم وأفئدتهم هواء (43)" سورة ابراهيم

كلمه اخيره ، قال تعالى " يا أيها اللذين أمنوا عليكم انفسكم لا يضركم من ضل اذا اهتديتم" صدق الله العظيم

وخللى الجهاد لناسه إللى بجد

تسلم ايديكم يا رجاله

SABRINA ABU ALI

الأربعاء، 21 يناير، 2009

have fun...mn nefsak





Someone was searching the dictionary for the word 'Dictionary'.

He found this meaning:

Dictionary is the thing you are holding, Stupid



Wondering what the definition of stupid was, he searched for the word stupid, he found:




Is that you again?!!!

الثلاثاء، 20 يناير، 2009

أمس اتصلت بالأمل





أمس اتصلت بالأمل !

قلت له: هل ممكن؟ أن يخرج العطر لنا من الفسيخ والبصل؟
قال: أجل.
قلت: وهل يمكن أن تشعَل النار من البلل؟
قال: أجل.
قلت: وهل من حنظل يمكن تقطير العسل؟
قال: نعم.
قلت: وهل يمكن وضع الأرض في جيب زحل؟
قال: نعم، بلى، أجل.. فكل شيء محتمل.
قلت: إذن عربُنا سيشعرون بالخجل؟
قال: تعال ابصق على وجهي... إذا هذا حصل .
كلمات الشاعـر: أحمد مطر
***
مسكين، حتى الأمل يأس مننا ،بس المهم انه لسه عايش وسطنا ، ممكن فى يوم يشوف أو يسمع أو يحس بحاجه تنعشه وترجعه لنفسه.....للأمل

تــحـــيـاتـى للجميع
sabrina abu ali

الثلاثاء، 6 يناير، 2009

خذونى معكم








خذونى معكم

كنت عارفه انى ممكن اخسر ناس كتير برساله زى إللى بعتها كدا بخصوص غزه وموقف مصر من فتح المعبر
انا مش هعتذر عن الكلام اللى قلته ولا هسحبه زى ما ناس طلبت منى لأنى مجرد بناقش وجهة نظر وكمان متأكده ان اللى زعل فهمنى غلط، بدليل ان لى اصدقاء كتير من فلسطين ما زعلوا منى وقالولى انهم فاهمين قصدى كويس

مش هقول انى خايفه نعانى من مشاكل بعد كدا من وجود النازحين زى ما حاصل فى نهر البارد ومشاكل الاردن ولا سوريا مع الحدود الفلسطينيه، لكن هؤولكوا اننا "لما بنرتاح بننسى" دا غير ان الصهاينه ما بيصدقوا يخرجوا ولو فرد واحد علشان يخلصوا وتروق لهم، يقفلوا عليهم فى الحته اللى هم فيها وحلينا بقا لما تبقا المساعى الدوليه تتحرك وتحل أى موقف.
صعبان علىَّ حالنا وتخاذلنا ، يصعب علىَّ نسيبهالهم كدا بسهوله مهما كانت الارواح اللى راحت والدماء اللى سالت...كله مش مهم، بيقولوا الدم غالى لكن انا الوطن أغلى وأغلى وأغلى.
زمان كانت الجزائر هى اكبر بلد فى عدد شهدائها بسبب الاحتلال الفرنسى لها وقالوا انها بلد المليون شهيد، دلوأت العراق فى حوالى 6 سنين بقت صاحبة الـ1.300.000 شهيد، وفلسطين من قبلها ، وشباب ونساء واطفال مصر اللى راحوا من اول الزمان لدلوأت، شهداء ودماء بتروى الارض علطول التاريخ وعرضه، افكركم بإيه..بإن الايطاليين ربطوا الليبيين فى الطيارات ومثلوا بجثثهم ولا لبنان اللى فضلت 22 سنه يروح منها ناس ولا الاردن ولا سوريا ولا البوسنه والهرسك ، لا الناس خلصت ولا الأرض هانت ولا الظلم دام ،افكركم بإن الصهاينه توغلوا لحد نجع حمادى وابو زعبل والشرقيه وضربوا المدارس وان مدن القنال عدت عليها ايام كانت خراب وسكنتها الغربان ، ولسه سايبين لحد دلوأت اثار الضرب فى المستشفيات وهى مخرمه بطلقات المدافع والطيران... سابوها وعمروا حواليها علشان يقولوا ان مفيش شئ بيبقا على حاله والخراب بيتعمر والحياه بترجع...بس المهم تكون فى أرض لسه موجوده علشان تحيا عليها
انا مش حابه ان فرد واحد حتى يخرج من غزه ولا اى شبر فى فلسطين، احنا اللى نروح لهم ونحارب معاهم ونموت هناك بشرف علشان اللى ييجوا بعدنا يلاقوا كرامه يفتخروا بيها وارض تمنها غالى يحافظوا عليها.
احنا مش احسن من اللى راحوا ولا دماءنا اغلى منهم ولا اعز على الله من اى شهيد ضحى لأجل بلده.
بنتكلم وايدينا فى الميه البارده، حياتنا ماشيه عادى، ايه يعنى اتبرعت بشوية دم ولا مال ولا بصوم كل يوم وادعى ربنا ينصرهم ولا حتى بكيت لحد ما عيونك ورمت ،بردوا اخر اليوم رجعت بيتك اكلت وشربت وحليت ونمت مع مراتك واولادك فى هدووووووووء علشان الدوشه بتقلق نومك، وممكن كمان تكون شغلت التكييف ولا الدفايه علشان الجو برد وقلت نكته وضحكت على مشهد وحضرت حفله او فرح ومش بعيد تكون احتفلت برأس السنه،وكلمت حبيبتك فى التليفون وبعت رسايل تهنئه بالعام الجديد. حياتنا عادى رغم الصرخات اللى بنسمعها والدموع اللى بتنزل على قلوبنا كأنها مية نار والمشاهد اللى خلت جوا كل واحد فينا بركان ثاير ممكن ينفجر فى اى لحظه ويقتلك بسكته دماغيه او قلبيه من كتر القهره، بحس بكدا فى كل لحظه
عندى اموت هناك فى غزه ومع المقاومه بشرف وموتى يكون له ثمن ولا انى اعيش هنا بحياه عديمة القيمه واخرتها موته تليق بالجبناء فقط. وقالها خالد بن الوليد .... ألا نامت أعين الجبناء
من كل قلبى بدعى وبتمنى ان الحرب فى غزه ما تنهتى وان النار تزيد وتستمر ويكون لها ذراع فى كل ارض عربيه وان مصالح الصهاينه تنضرب فى كل مكان واللى يلاقى صهيونى يكسر رقبنه او يقتله بأى حاجه ، خلوها حرب شوارع ومن بيت لبيت، مش مجلس الامن قال ان دا "عدوان ضد عدوان" ساوى العُزَل والاطفال بيللى داخل مدجج بسلاحه ومتحصن فى مدرعاته ودباباته وطيرانه وسفنه الحربيه؟؟!! خليها نار ما تهدا ولا تنطفى لآخر الزمان ولحد ما يصدق فينا ولينا وعد ربنا، مش شر منى ولا حباً فى الحرب ولكن علشان جربنا كتير حالة اللا سلم واللا حرب، احتلال موجود ومتعايشين معاه هنا وهناك ،ناس بتمارس حياتها طبيعى ومستسلمه للأمر الواقع، يكفيهم من دنياهم الاكل والشرب والنوم حتى لو "بتصاريح" وتفتيش واهانه ومذله، أى حياه دى اللى ما اكون فيها حره واتمتع بكل شبر فى بلدى مش جزء آه وجزء لأ!!!!!
لو تلاحظوا نفس الفيلم بيتكرر كل سنه، محاوله ترقيص عضلات من الصهاينه وبيفرجونا انهم موجودين، شوكه فى قلب وضهر كل واحد فينا، المقاومه موجوده طول السنه بس لازم يقرصوا ودان العالم العربى خاصه والمجتمع الدولى عامه، وكأن عندهم فائض من الاسلحه والزخائر وعاوزين يخلصوها او يجربوها او انهم عاوزيين يخلصوا من القديم علشان مخازنهم تتخم بالجديد من حلفاءها،متصوره ان الناس بقت تحتفظ بلافتات التنديد والشجب بتاعة السنه اللى تفوت علشان اكيد هنحتاجها السنه الجايه، والقنوات بتذيع نفس الافلام التسجيليه والتقارير والصور والاغانى، لدرجة ان نفس العناويين بتتكرر" غزه تحت النار" ويحطوا عداد للأيام وكمان حفظنا انواع صواريخ المقاومه ووزن ومدى كل واحد...خلااااااااااااااص، اتخنقنا وملينا واتحشينا كلام ، عاوزيين فعل ..فعل
طالت ولا قصرت مش هتخلص غير بحرب ،، يبقا خلاص،، نتوكل على الله والعمر واحد بيد ربنا الواحد

حتى قادتنا وجامعتنا العربيه عجزوا عن مجرد انهم يتفقوا على مكان او حل وحولوا القضيه لخائبى الرجا وعديمى النفع، ليه نلجأ لمجلس الأمن وعندنا بيت للعرب ، مش عارفين نقطع علاقات ونبعت مساعدات ونفتح باب التطوع بجد لكل شاب عربى وبكامل ارادته؟؟!!!
الصهاينه فى أيام يحشدوا 35.000 جندى مشاه واحنا 22 دوله عربيه ميخرجش واحد حتى من كل بلد؟؟؟ ايه القرف ده!!!
خلاص رضينا ان دا يكون واقعنا ورضينا بوجودهم وسطينا ونتعايش ونطبع معاهم وهم مغتصبين وقتله ومجرمين واوغاد ،مجرد انى افكر فى وجودهم بيننا بحس انى عاوزه اتقيأ، متخيله اللى يكون بيقعد معاهم ويسلم عليهم اكيد يكون بجم ومعندهوش دم ولا احساس ولا ضمير ولا دين.
كنت عاوزه اشارك واتطوع فى بعثات الاغاثه لكن قالوا انهم ما بياخدوا بنات، خلاص...ياخدونا فى مكان اهم ،هناك مع الشرفاء الصامدين، عار لو نسيبهم وحدهم ، سمعت اغنيه بتقول "اصبح عندى الآن بندقيه..إلى فلسطين خذونى معكم" صحيح ما عندى بندقيه لكن عندى ايمان وإراده ويقين هقاتل بيهم ،ومعانا حجارة المساجد والكنائس والبيوت اللى هدمها المجرمين، قلتلكم قبل كدا ان بعد حرب 73 وجدوا ان بعض جنود الصهاينه ماتوا بآثار "العض" والقتال اليدوى ،الناس من كتر الغل والقهره والشعور بالظلم ممكن تتحول لأقوى سلاح... اقسم لكم بالله العظيم انى عاوزه أروح والنهارده قبل بكره، من غير حتى شنطة هدوم وكفنى لبساه، المقاومه مجهزه 200 استشهادى خليهم 201 والله من غير ذرة تردد ولا شك ان دا فى سبيل الله .
يا ناس يا عالم يا خلق الله، محدش بيخرج من الدنيا حى، كله ميت، الفرق فى نوع الموته وقيمة حياتك ،والله الذى لا إله إلا هو قابض الأرواح مالك الملك لا تهنى لنا نومه ولا أكله ولا شربة ميه ولا فرحه واخواتنا واهلنا فى غزه بيعانوا ما يعانوا ويشربوا المر والقهر ودماهم لو وزعت على العالم لأغرقته،عيب علينا، احنا اكتر من مليار يعنى لو بس صرخنا فيهم هيموتوا من الرعب، قاتلوهم يعذبهم الله بإيديكم ويشف صدور قوم مؤمنين، مينفعش نكتفى بالدعاء، فاكرين "اللهم ارفع المائده" ربنا مش هينزل يحركلك الطربيزه بس لو انت سعيت هيديك القوه علشان تحركها وتشيلها وترميها فى جهنم كمان مش بس فى البحر. اقروا سورة آل عمران لونسيتوا كلام ربنا واقروا اول سورة الاسراء لو عندكوا شك فى وعد الله للمؤمنيين اللى بجد.
يا نموت بشرف يا نعيش بكرامه
اللهم ارزقنا الجهاد والشهاده فى سبيلك،اللهم استخدمنا ولا تستبدلنا.....اللهم استخدمنا ولا تستبدلنا

Sabrina Abu Ali

الاثنين، 5 يناير، 2009

متجوش علينا




ممكن حد بعد ما يقرا الكلام إللى جاى ده يقول انى انانيه وما عندرى احساس بغيرى ولا فارق معايا الحاصل حالياً فى

غزهلكن يعلم ربى انى فى اشد حالات النكد والاكتئاب حتى الاكل والشرب بحاسب نفسى عليهم وبلومها ان ازاى نعيش عادى واخواتنا بيتبهدلوا كدهلو حد قالى روحى حاربى او اعملى عمليه استشهاديه هروح ولو على التبرع بالمال او الدم عادى ومفيش مشكله

لـــــــــــــــــــــــــــــــكــــــــــــــــــــــــن... تبقى هناك دائماً كلمة لكن لتمنعنا من التهور وارتكاب الحماقاتومنها اللى بينادوا بفتح معابر الحدود بينا وبين فلسطين بلا ظابط ولا رابطانا الاول كنت بفكر بالطريقه دى لكن اتسألت سؤال( الامن القومى المصرى ولا بطوله عنتريه دونكيشوتيه تغرمنا الكتير بعدين؟؟؟) والحقيقه لقيتنى بختار الامن القومى المصرى أهم من اى حاجه تانيه بدون ماحد يزعل ولا يغضب على!َّ، قول اننا فتحنا الحدود لكل اللى عاوز يدخل ، مش ممكن يدخل مخربين صهاينه ويبهدلوا البلد تفجيرات؟؟ او الصهاينه يخترعوا اى سيناريوا علشان يمدوا العدوان لينا مره تانيه؟؟ نفتح الباب للجرحى والمساعدات ولهم عيونا وكل مالينا لهم، بس يفضلوا متمسكين بأرضهم ويقعدوا على قلب السفله ولا يخليهم يحسوا ولو لحظه بالأمان
نقويهم ونشارك معاهم وندفعهم لإستمرار القتال، كفايه عليهم وصمة لاجئين لحد كدا سوا فى نهر البارد او فى اى حدود مشتركه بينهم وبين اى دوله عربيه الصهاينه بيدفعوهم لها بكل قوه،تخيل انك قاعد على كنبه وجنبك واحد رذل جداً كل شوى يقرب ويزؤك من مكانك وانت تستسلم وتبعد لحد ما قربت من الحرف وبقا مفيش غير المسند تتمسك بيه علشان يحميك من السقوط ولا تكسره وتقع على الارض اللى ممكن كمان يرميك وياخدها منك؟؟؟حدودنا هى المسند اللى بيحمى الغزاويه من انهم يسيبوا بلدهم بسهوله كدا، الحريه لها تمن وعمر التمن دا ما كان غير الدم والارواح
والشهداءاحنا مع اهل غزه بس وهم فى ارضهم ، يكون لهم نصيب فى الارض وهم شهدا ويندفنوا فيها احسن ما يهربوا ويسيبوها
كل الناس جايه على مصر وبتهاجمها وبتحاصر سفاراتها وتهدد بقطع العلاقات ،مصر اللى ما بخلت يوم بدم ولا بمال على حد من اخواتها العرب، من اول اليمن والجزاير ولحد حرب الكويت والعراق وقبلها حرب 48 وراحت عمرت لبنا ، مصر اللى لها دم فى كل بلد عربى وغير عربى كمان وعمرها ما قفلت الباب فى وش حد..عيب عليهم قوى الكلام اللى حاصل وان جنودنا اللى بيحموا ارضنا تنضرب او سفاراتنا تتهاجم ويحاولوا يقتحموها ويساووها بسفارات الاعداء والمجرمين...عيب
الجدعان الحاميين المحموقيين قوى دول يبدؤوا بأنفسهم، قطر اللى بتهددنا هى اكتر واحده عامله تطبيع مع كتلة الصهاينه ولبنان مع نفسها ومش هتسمح لحد يدخل ارضها من الفلسطينيين وغيرهم وغيرهم بيتكلموا وبس لو هم محموقين بجد يقطعوا علاقاتهم مع الصهاينه ويطردوا سفراء اليهود واحنا كمان نعمل كدامفيش غير الصوم والدعا والتبرعات ولو عاوزيين متطوعيين والله ما هنتأخر عنهم سؤال مهم...ليه حماس والفدائيين ما بيدخلوا المستعمرات الصهيونيه ويخربوها ليه ما يفجروا مولدات الكهربا وخزانات الميه؟؟؟العين بالعين والسن بالسن والبادىء دائماً اظلم
sabrina abu ali